Lim at Moreno mainit na tinanggap sa district 6

MANILA, Philippines - Pinatunayan ng mga resi­dente ng ikaanim na distrito ng Maynila na tama ang pag­dismis ng Ombuds­man sa kasong isinampa laban kina Mayor Alfredo S. Lim, Vice Mayor Isko Moreno at mga konsehal kaugnay ng pagpa­panatili ng mga oil depot sa lungsod matapos na magpa­kita ang mga ito ng napakainit na pagtanggap sa isina­ga­wang motorcade ng alkalde sa kanilang lugar.         

Paulit-ulit ding isinigaw ng mga residente ang kanilang buong pagsuporta sa alkalde at mga ka-tiket nito kung saan matiyagang naghintay sa daan sa motorcade ni Lim bukod pa sa kasiyahang ma­kita ang alkalde at maka­ma­yan ito na maliwanag na pa­hayag ng pananalig sa pani­nindigan ng alkalde sa isyu ng oil depots.

Nangako rin ang mga resi­dente na kanilang iba­basura ang mga kandidato na kumo­kontra sa ginawa ng alkalde dahil sa umano ay kawalan ng malasakit sa mga taga-lung­sod na maaring mawalan ng hanapbuhay.

Bukod sa 10,000 emple­yado nito na karamihan kundi man lahat ay taga-Maynila ay nakatakdang mawalan ng hanapbuhay, isinaisip din ni Lim ang malaking kita ng lung­sod na mawawala kung pa­aali­sin ang mga malalaking indus­ triya na apektado ng na­turang ordinansa.