SB sa COLA issue: Ipaubaya ang desisyon sa susunod na administration

MANILA, Philippines - Inihayag kahapon ni Quezon City Mayor Feli­ciano “Sonny” Belmonte Jr. na hindi ngayong pa­nahon ng eleksyon ang tamang oras para pagka­looban ng cost of living allowance (COLA) back­pay ang mga empleyado sa city hall na ipinanukala ng city council.

Binigyang-diin ng Al­kalde na mas makabu­buti na hayaan na la­mang ang susunod na Quezon City admi­nis­tration ang mga magde­sisyon sa naturang isyu.

Hindi umano dapat na ngayong panahon ng ha­lalan na magdesisyon para mabigyan ng COLA back­pay ang mga city hall employees para sa period na November 30, 1989 hanggang Mayo 3, 2004 na ipinanukala ng konseho ng lungsod.

Hindi umano ma­ganda kung ngayon ito ibibigay dahil maaaring mapulaan na politically motivated at maaari rin maakusahan ng elec­tion­eering ang nag-author nito.

Mas makabubuti na ang desisyon ukol dito ay ipaubaya na sa sususod na administrasyon sa lungsod.

Maaari din umanong maka-pre-empt ang natu­rang ordinansa sa Korte Suprema sa pagrere­solba nito sa mga naka­bin­bing kaso sa COLA payments.