Dalagitang pumatay ng ginang sumuko

MANILA, Philippines - Sumuko na  sa Manila Police District-Homicide Section ang isang 16-an­yos na dalagitang naka­pa­tay sa isang ginang ka­ma­kailan sa Ermita, Maynila.

Ang suspek ay itinago sa pangalang “Jane”, ay su­muko kahapon ng ala-1 ng hapon sa mga aw­toridad.

Matapos isailalim sa interogasyon ang dalagita sa pag-suko nito sa isang incumbent congressman sa Lungsod ng Maynila ay saka ito dinala sa MPD-homicide section upang isa­ilalim sa masusing im­bestigasyon.

Nabatid sa dalagita na nagtitinda lamang umano siya ng mga bulaklak sa ka­habaan ng Mabini st., Ermita, at balak umano siyang ibugaw ng ginang na biktima na nakilalang si Anabelle Bernales, park­ing attendant, ng Guerrero st., Ermita.

“Pilit po akong itinu­ tulak para ibugaw sa dayuhan, pero hindi ko ito gawain, nagtitinda la­mang po ako ng bulaklak kaya nagawa ko siyang saksakin.” pa­hayag ng dalagita.

Magugunita na dakong alas-11 ng gabi nang ma­ganap ang pananaksak kay Bernales sa harapan ng Amazonia Bar and Res­taurant sa panulukan ng Sta. Monica St., Ermita.