Tomboy, ginang arestado sa 2.5 kilo ng cocaine

MANILA, Philippines - Arestado ang isang tom­boy at isang ginang na na­sam­saman ng milyung halaga ng cocaine sa isina­ gawang hi­walay na operas­yon ng pu­lisya at PDEA sa Caloocan at Quezon City.

Sa Caloocan nadakip ang tomboy na si Liza Cam­poto, 28, ng General Trias, Cavite.

Ayon kay Chief Insp. Jay Agcaoili, hepe ng District Anti-Illegal Drugs naka­tanggap sila ng impor­masyon na nagha­hanap ng buyer ng cocaine na galing sa Samar ang suspek.

Agad na nagsagawa ng buy-bust operation ang DAID alas-10:15 ng umaga sa tapat ng isang foodchain sa Rizal Avenue Extension, Monu­mento ng lungsod.

Nang iabot ng suspek ang cocaine sa umaktong buyer ay agad na dinamba ito ng pulisya. Nakuha sa sus­pek ang isa at kalaha­ting kilo ng cocaine na nag­­ka­kahalaga ng P4 million.

Samantala, nalambat naman ng tropa ng Philippine Drug Enforcement Agency (PDEA) ang isang ginang na nakuhanan ng may isang kilo ng cocaine na pinaniniwala­ang kabi­lang sa bulto ng dro­gang itinapon sa karagatan ng Samar matapos ang isina­gawang buy-bust operation sa isang supermarket sa lungsod Quezon kahapon ng hapon.

Sa inisyal na ulat ng PDEA, nakilala ang suspect na si Isabela “Delia” Pla­ciente, 47, ng Purok 4, Area 7, Brgy. Commonwealth sa lungsod.

Nadakip ang suspect sa   harap ng isang supermarket sa Brgy. Commonwealth pa­sado ala-1 ng hapon.

Bago nito, nakipagtran­sak­syon umano si Placienta sa isang asset ng PDEA para sa pagbebentahan ng na­sabing droga. 

Bitbit ang P500,000 marked budol money ay isinagawa ang buy-bust ope­ration sa nasabing lugar kung saan nang magka­palitan ng items ay saka inaresto si Placienta.

Sa interogasyon, ikinat­wiran ni Placienta na pina­kuha lang umano sa kanya ang nasabing droga ng kanyang kapatid na nasa piitan ng Quezon City Jail matapos na dalawin niya ito kamakailan at ipinabebenta lamang sa kanya.

Ang ginang ay nasa pa­ngangalaga ngayon ng PDEA sa main office nito habang isinasagawa ang masusing imbestigasyon.