1 dedo, 1 sugatan sa banggaan

MANILA, Philippines - Namatay ang isang guwardiya habang malubhang nasugatan naman ang angkas nitong babae makaraang salpukin ng isang dump truck ang sinasakyan nilang motor­siklo kahapon ng madaling-araw sa Barangay Concepcion Uno, Marikina City.

Namatay habang ginagamot sa Amang Rodriguez Medical Center ang biktimang si Rodolfo Selobrico Jr., 35, ng Block-35 Filipinas West Floodway, Cainta, Rizal.

Patuloy rin namang nilalapatan ng lunas sa nasabing paga­mutan ang kaangkas nitong biktima na si Margie Gadate, 28 anyos, Therapist at residente ng #81 Cepeda St., Concepcion-Uno.

Nadakip naman ang driver ng truck na si Audie Mendoza, 56 anyos, at residente ng #03 Nawasa Road, Kambal st., Guit­nangbayan, San Mateo Rizal. Nahaharap siya ngayon sa kasong reckless imprudence resulting to homicide at frustrated homicide.

Ayon sa ulat ng Marikina Traffic, naganap ang insidente kahapon ng alas-5:00 ng madaling-araw sa may kanto ng E.Santos st., at Cepeda St., sa Barangay Concepcion Uno.

Nakasakay ang mga biktima sa Honda Wave motorcycle at tinatahak ang nabanggit na kalye nang biglang salpukin ng dumptruck na may plakang RET-567 na minamaneho ng suspek.