Mag-live-in na sinalvage, pinaghinalaang informer

MANILA, Philippines - Naglunsad ng manhunt ope­ration ang Taguig City police upang madakip ang isang kilabot na kriminal na itinuturo ngayon na utak sa pag-salvage sa mag-live-in na ibinalot sa tarpaulin at sirang air bed na pinagka­malan umanong “police informer”.

Itinuro ng mga kaanak ng mga biktimang sina Jimboy Salditos, 20; at kalive-in na si Angeline Ann Cuison, 19, ang suspek na si Mark Anthony Sor­bito na siyang may kaga­gawan umano sa naturang krimen. 

Sinabi ni Taguig po­lice chief, Sr. Supt. Camilo Casco­lan na nahaharap sa mga kasong murder, robbery hold-up, coercion at arbitrary de­tention si Sorbito sa iba’t ibang korte dahil sa kanyang mga nagawang krimen.

Ayon pa sa mga kaanak ng mga biktima, pinaghihi­nalaan umano ni Sorbito ang mag-live-in na mga police in­former at kamakailan lamang ay nagbanta pa sa dalawa na may masamang mangyayari sa mga ito.

Sa ginawa namang imbes­ti­gasyon ni PO2 Christopher Flores ng Station Investigation and Detective Management Section ng Taguig police, may dalawa umanong lalaking naka-motorsiklo ang nagtu­ngo sa bahay ng mga biktima noong Martes ng gabi at nag­papatulong na ibenta ang dala nilang laptop kapalit ng pag­bibigay sa kanila ng por­siyento.

Umangkas umano ang mag-live-in sa dalawang motorsiklo upang dalhin ang mga ito sa kilala nilang buyer ng laptop subalit hindi na nakauwi ang mga ito hang­gang matagpuan na ang bangkay sa gilid ng C-5 Road na may mga tama ng bala sa katawan.