5 timbog sa droga

MANILA, Philippines - Lima katao na kinabibila­ngan ng tatlong menor-de- edad ang nadakip sa kasong pag-iingat at paggamit ng ilegal na droga sa Sampaloc, May­nila, kahapon ng mada­ling-araw.

Sinampahan na sa Manila Prosecutor’s Office ng mga kasong paglabag sa Sections 11, 12 at 15 ng Republic Act 9165 (Comprehensive Dan­ger­ous Drugs Law) ang mga naarestong sina Charity Giron, 34; at Rowell Sar­miento, 34, kapwa residente ng J. Fajardo St., Sampaloc, at ang mga menor-de-edad na itinago sa mga pangalang Jesus, 17; Alfredo, 17; at Gian, 17.

Sa ulat ng pulisya, dakong ala-1 ng madaling-araw nang res­pondehan nila ang tawag sa Simoun corner Kundiman sts. dahil sa ulat na kaguluhan kung saan unang nadakip ang mga menor-de-edad na na­ispatan na nagwawala at nag­mu­murahan sa naturang lugar. 

Kinapkapan kung may dalang deadly weapons ang mga ito subalit ang nakuha sa mga kabataan ay walong sachet ng marijuana. Dakong alas-3 naman nang may muling tu­ mawag sa kanilang tangga­pan hinggil sa pot session uma­no sa J. Fa­jardo st., sa Sam­pa­loc at na­aktuhan ang ‘ratratan’ (pot ses­sion) kung saan dito na­dakip sina Giron at Sarmiento na nakumpiskahan din ng apat na sachet ng shabu at dala­wang aluminum foil strips at iba pang parapernalias.