Mag-live-in, sinalvage!

MANILA, Philippines - Pinatay at saka magka­samang itina­pon ang mga bangkay ng magka-live-in na kapwa ibinalot sa isang sirang airbed, kahapon ng umaga sa Taguig City.

Kapwa may mga tama ng bala ng hindi pa batid na ka­libre ng baril sa ulo, kamay at katawan ang mga biktimang sina Jimboy Sal­ditos, 20; at ka-live-in nitong si Angeline Ann Cuison, 19, residente ng GHQ Katupa­ran, Taguig City.

Ang bangkay ng dalawa ay nadiskubre ng 54-an­yos na si Donato Salazar da­kong alas-5:45 ng mada­ling-araw habang naglala­kad sa na­turang lansa­ngan.

Ayon kay Taguig City police chief Sr. Supt. Ca­milo Cascolan, positi­bong kinilala ng kani-kanilang mga kapatid na sina Marian Cuison at Chris­topher Sal­ditos ang mga biktima ma­tapos dalhin ang kanilang bangkay sa Loreto Funeral upang doon isagawa ang pag-awtop­siya.

Sa inisyal na ulat ng pu­lisya, dakong alas-5:45 ng umaga nang madiskubre ni Salazar, ang naturang sirang airbed sa gilid ng C-5 Road, Southbound, Heritage Park, Brgy. Pinag­sama, ng natu­rang lung­sod. 

Dito nakita ni Salazar ang nakalawit na paa ng tao sanhi upang humingi ito ng saklolo sa mga awto­ridad.

Sa pagsusuri ng Scene of the Crime Operation (SOCO), nabatid na naka­balot sa asul/orange na tarpau­lin ang bang­kay ni Cuison habang naka­pasok naman sa loob ng isang sako ang biktimang lalaki saka kapwa ibinalot sa sirang airbed.

Narekober naman sa bulsa ng shorts nito ang isang cellphone na walang charge, sari-saring mga abubot sa katawan at mga barya habang isang kulay itim/puting sombrero at tsinelas ang narekober sa bangkay ng biktimang lalaki.

Isinasailalim pa sa im­bestigasyon ng pulisya ang mga kaanak ng mga na­sawi upang mabatid kung may nakaaway ang mga ito bago ang pamamaslang.