Proseso sa LTFRB pabibilisin

MANILA, Philippines - Tiniyak ng bagong talagang chairman ng Land Trans­portation Franchising and Regulatory Board (LTFRB)  na si Jimmy Pesigan na pabibilisin niya ang sis­tema sa ahen­siya upang hindi na mahirapan ang publiko sa pagpo­proseso ng kanilang mga papeles at prangkisa.

Ayon kay Pesigan, isa sa mga naobser­bahan niyang sulira­nin na dapat lutasin sa LTFRB ang madalas na pagpa­pabalik-balik ng publiko para sa kanilang mga dokumento.

Aniya nitong nakaraang linggo ay marami sa mga prangkisa ang agad niyang  nilagdaan matapos marebyu at mai-release kaagad nang hindi na maburo pa sa kanilang tanggapan.

Sinabi pa ni Pesi­gan na sa pamamagitan din ng bagong isinusulong na LTO-LTFRB Interconnectivity na nilagdaan kamakailan sa pamama­gitan ng Memo­randum of Agreement (MOA) ay mas magi­ging mabilis na din ang pagrerehistro ng mga pam­pub­likong sasakyan na nasa malalayong lugar.