Store manager sugatan sa holdap

MANILA, Philippines - Malubhang nasuga­tan ang isang manager ng convenient store ma­ka­ra­ang barilin ng nag-iisang hol­daper kahapon ng umaga sa Quezon City.

Nakilala ang biktima na si Fatima Luciano, 21, da­laga, manager ng 7-11 con­venient Store na mata­tagpuan sa Timog Avenue sa lungsod.

Ang suspect na sakay ng itim na motorsiklo ay mabilis na tumakas ta­ngay ang Lacoste bag na nagla­laman ng bentang P8,500, deposit slip at mga susi ng biktima.

Naganap ang insi­ den­te sa harap ng natu­rang con­venient store sa corner Timog Avenue at Samar St., Brgy. South Triangle ganap na alas-10 ng umaga.

Patungo sana ang bik­tima sa bangko para ideposito ang nasabing salapi na kinita ng tin­da­han nang biglang sumul­pot ang suspect na armado ng hindi ma­batid na kalibre ng baril at tinu­tukan ang bik­tima sabay deklara ng hol­dap subalit nanlaban ang biktima kaya pina­putukan ito ng suspect.