Asset itinumba

MANILA, Philippines - Isang 40-anyos na police asset na si Joccelyn Roa ng Room 502 Blue Building, Gunao corner Arlegui St., Quiapo, Manila ang binaril at napatay ng salarin na nakilala lang sa alyas na Nanding sa labas ng kanyang bahay kamakalawa ng gabi. Tinangka ring barilin ng suspek ang asawa ni Roa na si Nanjimin Bantrang pero nakapagtago ito. Hinihinalang may kinalaman sa iligal na droga ang pamamaril at posibleng pinag­dudahan umano ng grupo ng suspek ang galaw ng biktima na isa itong police asset.