Makataong pagpapalayas sa illegal vendors isasagawa

MANILA, Philippines - Matapos pansa­man­talang ipasus­pinde, balik na sa panghuhuli ng mga iligal na vendors ang Metropolitan Manila Development Authority dahil sa mga matitigas na ulo pa ring mga tindero ngunit gagawin na umano nila ngayong makatao.

Sinabi ni MMDA General Manager Robert Nacianceno na inatasan na ni Chairman Oscar Inocentes ang kanilang Sidewalk Clearing Ope­rations Group na iwasan na ang pagwasak sa mga paninda at paggiba sa mga puwesto ng mga vendors upang hindi hu­mantong sa anumang karahasan ang operas­yon laban sa mga ito.

Nais iwasan ni Ino­centes ang mga kara­hasan tulad ng riot at pamamaril ng mga vendors sa mga sidewalk clearing operations.

Patuloy namang ma­ ngungumpiska ng mga iligal na paninda ang MMDA kahit na hindi wawasakin ang mga ito kung saan ibibigay na do­nasyon ang mga ma­pa­pakinabangang pag­kain sa mga bahay-am­punan at iba pang insti­tus­yon na kumaka­linga sa mga matatanda, walang tirahan at mga may kapansanan.

Tiniyak naman ni Na­cianceno na lahat ng mga makukumpiska nilang paninda ay reresibuhan upang matiyak na hindi mapupunta sa mga em­pleyado ng ahensiya na nagte-“takehome” ng mga nakumpiskang pa­ninda.