Totoy nag-night swimming sa Manila Bay, nalunod
MANILA, Philippines - Muli na namang kumuha ng buhay ang Manila Bay sa pagtatapos ng Semana Santa makaraang isang 11 anyos na batang lalaki ang malunod nang maligo sa dagat kahapon ng umaga sa Pasay City.
Dakong alas-6:30 ng umaga kahapon lamang lumu tang ang bangkay ng biktimang si Igeel Ongkiko ng no. 2484 Apelo Cruz Street, Barangay 152 Zone 76, Pasay City sa breakwater ng Manila Bay malapit sa likuran ng Senate compound.
Natuklasan lamang ang lumulutang na bangkay ni Ongkiko nang hindi sinasadyang tamaan ng sagwan ni Ronaldo Desiar ang katawan nito habang namamangka patungo sa direksiyon ng MMDA floodway.
Ayon sa nakatatandang kapatid ng biktima na si Henry Ongkiko, 15, kina SPO1 Cris Gabutin at PO3 Nestor Rubel ng Station Investigation and Detective Management Section ng Pasay city police, kamakalawa pa ng gabi umalis ng kanilang bahay si Igeel kasama ang kanyang mga kabarkada.
May hinala ang pulisya na nag-night swimming ang biktima at mga kasamahan nito sa breakwater ng Manila Bay kung saan nalunod ito. (Ludy Bermudo)
- Latest
- Trending
