Pulis-Maynila kinatay ng magpinsan

MANILA, Philippines - Pinagtulungang saksa­kin hanggang sa mapatay ang isang pulis-Maynila ng magpinsang lalaki na sinita ng una noong Biyernes Santo ng gabi sa Binondo, Maynila.

Sampung saksak sa ka­tawan ang tumapos sa buhay ni PO3 Felimon Olonan, 42, ng Manila Police District-Station 11.

Isa sa dalawang suspek na si Marvic Lalu, 27, pedicab driver, ng #325 Velasquez St., Tondo, May­nila ay napatay din sa follow-up operation ng pulisya habang ang pinsan nitong alyas Nelson na sinasa­bing kasama sa pagpatay sa pulis ay kasa­lukuyang tinu­tugis.

Sa imbestigasyon ni PO2 Jay Santos, dakong alas-9:30 ng gabi nang sita­hin ng biktima ang mag­pinsan sa panulukan ng Camba at M.D. Santos St. sa Binondo, Maynila.

Ayon kay Jocelyn Ge­roy, nakita niya ang bikti­mang lulan ng motorsiklo nang sitahin ang dalawang suspek kung saan nang lumapit ay kaagad na pi­nagtulungang undayan ng saksak ang pulis.

Nagawa pang makipag-agawan ng biktima sa hawak na patalim ng mag­pinsan kung kaya na­sugatan si Lalu.

Nabatid na naghihi­ngalo na si PO3 Olonan ay hinablot pa ni Lalu ang belt bag nito na nagla­ laman ng service firearm bago tumakas.

Natunton naman ng pulisya si Lalu na nagpapa­gamot sa Ospital ng May­nila habang si Nelson ay nagtago sa Pampanga.

Gayun pa man, nakum­binsi ng pulisya si Lalu na ituro ang pinagtaguan sa baril ni PO3 Olonan sa Area H, Parola Compound sa Tondo, Maynila.

Dito nakakuha nang tiyempo si Lalu na makuha ang baril at tangkang iputok sa mga pulis subalit na­unahan siya ng isa sa mga eskort na si PO3 Alexis Cardinez.

Nabatid na ang mga suspek ay may matagal nang galit sa biktima.