5 kinulong na PUP students, pinalaya na

MANILA, Philippines - Iniurong na ng pa­mu­nuan ng Polytechnic Uni­versity of the Philip­pines (PUP)  ang kasong ini­hain laban sa limang estud­yante na nagpuslit ng 13 silya noong naka­ra­ang linggo, upang su­nugin sa kanilang tuition fee protest rally.

Kahapon, dakong alas-12:30 ng hapon  ay tuluyan nang napa­laya ang mga naarestong sina Ferrin Louise Uma­gat Soriano, 19, 2nd year college; Chaser Soriano, 19, 4th year college, Pre­sidente ng Central Stu­ dent Coun­cil; Judy Anne Fabito, 19, 4th year col­lege, Patrick Michael “Piem” Canela, 18, se­cond year college, at si Abriel Mansilungan, sec­retary general ng Ka­bataan Partylist.

Itinanggi naman ni PUP President Dante Gue­­­varra na may pres­sure sa kanila o maging ang umano’y pana­wagan ng isang pre­si­dential candi­date, bag­kus ay napagka­sunduan sa ginanap na konsul­tasyon ng mga opis­yal ng PUP na pa­tawarin ang mga estud­yante dahil first offense lamang naman at binalaan na lamang na bi­bigyan ng disciplinary actions kung uulit pa.

Matatandaan na no­ong Huwebes ay isina­ilalim sa inquest proceed­ings ang mga estudyante sa kasong robbery na may rekomen­dasyong P100-libong piyansa ma­tapos arestuhin dahil sa puwersahang pagpuslit ng mga upuan mula sa PUP campus para sa ka­nilang protesta laban sa tuition fee increase na ipa­tutupad sa susunod na pasukan. (Ludy Bermudo)