Serbisyong bayan mananatili kina Bistek at Joy B

MANILA, Philippines - Tiyak na mananatili ang serbiyong bayan at dangal ng Lungsod Quezon sa katauhan nina Liberal Party mayoralty bet Herbert ‘Bistek’ Bautista at vice ma­yoralty bet Joy Belmonte.

Ito ang kabuuang punto ng SB Team sa naganap na proclamation rally kung saan pambato ng grupo sina Bistek at Joy B. sa ila­lim ng Liberal Party noong Biyernes.

Magugunitang nabuo ang SB Team sa ilalim ng liderato ni QC Mayor Sonny Belmonte na magtatapos ang termino ngayong Hunyo 2010 ay kandidato sa congressional race sa QC 4th district.

Ani Bautista, nang pamu­nuan ni Belmonte ang lung­sod noong 2001 ay nasa kumunoy ng utang ang Quezon City kung saan umabot sa mahigit P2 bilyon habang negatibo pa ng P10.35 milyon sa tinatawag na cash balance.

Subalit makalipas la­mang ng isang taon ay na­gawa ni Belmonte na pasig­lahin ang kaban ng bayan sa ilalim ng prinsipyong “Earn More, Spend Less.”

“Ipinakita na ni Mayor (Sonny Belmonte) ang riles tungo sa kaunlaran.  Kaila­ngan na lamang panatilihin ang nasimulan na ito upang magpatuloy ang Serbisyong Bayan. Hindi na natin kailangan pang su­mubok ng iba dahil subok na ang SB Team,” paliwanag ni Bautista.

Ipinunto pa ng Bistek-Joy B. Tandem na sisigu­ruhin nilang mananatili ang dangal na ito na inihabilin sa kanila ni Mayor Belmonte.

Katunayan, batay sa ulat ng Commission on Audit (COA), ang lungsod ang pinakamayamang lokal na pamahalaan sa buong bansa mula 2002 hang­gang 2009. (Ricky Tulipat)