Anak ni Cesar Montano, nag-suicide!

MANILA, Philippines - Patay ang anak ng aktor na si Cesar Montano ma­ karaang mag­baril ito sa sarili dahil umano sa prob­lema sa pag-ibig, kaha­pon ng madaling-araw sa kani­lang tahanan sa Quezon City.

Kinilala ang nasawi na si Christian Angelo Manhilot, 23, ng Yakal St., Tivoli Ro­yale Subdivision, Brgy. Batasan Hills, sa lungsod.

Base sa inisyal na ulat ng Quezon City Police Station 6, isang tama ng bala buhat sa kalibre 45 baril ang tu­ mama sa kanang sentido na naglagos sa likurang bahagi ng ulo ni Christian Angelo. Isinugod pa ito sa Gen. Mal­var Hospital pero hindi na umabot pang buhay.

Lumitaw na pasado alas- 4 ng madaling-araw nang ma­kita ng kanyang kasam­bahay na si Alicia Pancho ang bik­tima na naliligo sa sarili nitong dugo sa may kusina sa ikala­wang pala­pag ng kanilang tahanan.

Bago ito, base sa testi­monya ng kanyang mga ka­sam­bahay, si Christian Angelo ay dapat sana’y kasama ng kanyang amang si Cesar sa Bohol para sa kampanya sa pagtakbo nito bilang goberna­dor dito pero nagpa-iwan ito sa kani­lang bahay dahil birthday ng kan­yang girlfriend.

Sinasabing pasado alas- 2 ng madaling-araw ay du­ma­ting ng bahay ang na­sawi na umano’y nakainom ng alak. At makalipas ang ilang minuto ay nakarinig na lamang ang mga kasam­bahay ng biktima ng putok ng baril galing sa kusina at nang kanilang tunguhin ay doon na nakita ang naka­han­­dusay at duguang si Christian Angelo.

Agad na ipinabatid ng ka­sambahay ang insidente sa security guard ng subdi­bisyon at humingi ng tulong sa awtoridad, bago tuluyang iti­nakbo ang biktima sa nasa­bing ospital

Ayon kay Supt. Crisos­tomo Mendoza, hepe ng Batasan Police Station 6 ng QCPD, sa pagresponde nila ay natagpuan nila sa tabi ng katawan ng biktima ang kalibre 45 baril at cellphone.

Samantala, ganap na alas-9 ng umaga nang du­ma­­ting sa ospital si Montano kasama ang asawang si Sunshine Cruz, at isa pang anak na si Angela.

Ayon kay Mendoza, naki­usap ang pamilya Montano sa pamamagitan ng kan­yang abogado na huwag nang ma­im­bestigahan pa ang kaso ng anak dahil tanggap na umano nila na nag­paka­matay ito.

Kaugnay nito, sinabi na­man ni Shiela Pizarro, publicist ni Montano, nakiusap umano ang aktor sa sinu­man na huwag nang haluan ng po­li­tika ang nasabing insi­dente.

Ang labi ng biktima ay pan­samantalang inilagak sa Arlington Funeral Homes sa lungsod.