Magic sugar sa QC, tinututukan

MANILA, Philippines - Puntirya ni QC Vice-Mayor Herbert “Bistek” Bau­tista, na ngayon ay tumatakbong mayor sa ilalim ng Liberal Party na pangalagaan ang kalusu­gan ng mga residente, kaya naman mahigpit na pinatutukan nito sa health office ng lungsod ang lu­ma­lalang kaso ng pag­gamit ng “magic sugar” sa mga palengke at mga ambulant vendor.

Ayon kay Bistek, kaila­ngang masigurong ligtas ang mga residente sa lungsod sa mga binibi­ling pagkain sa kalye lalo na ang mga pampalamig, dahil batid naman ng lahat na ang nasabing asu­kal ay may masa­mang epekto sa kalusu­gan sa sandaling ma­inom.

Pinasisiyasat din ni Bistek sa health office ang mga palengkeng pinaniniwalaang nagbe­benta nito matapos ma­pag-alamang nagkalat na ito sa merkado.

Samantala, katuwang ni Bistek sa nasabing aksyon si Vice mayoralty candidate Joy Belmonte, lider din ng grupo ng mga kababaihan na humi­hikayat sa mga taga -lungsod na maging ma­panuri sa kanilang mga binibiling pagkain sa labas o sa loob man ng mga malls.

Naging adhikain ng dalawang opisyales na bigyan ng magandang kalusugan ang mga taga -QC kung kaya patuloy ang pagbibigay paalala ng mga ito na mag-ingat at maging mapanuri sa kanilang mga binibili.