Metro Manila niyanig ng lindol

MANILA, Philippines - Nilindol na may lakas na magnitude 6.0 ang mga lugar sa Metro Manila at mga karatig lala­ wigan kahapon ng ala-1:29 ng tanghali.

Sa tala ng Philippine Volcanology and Seismology (Phivolcs), ang lokasyon ng lindol ay na­itala sa may 73 kilo­metro ng kanluran ng Lubang Island at ang lalim nito ay shallow at ang origin ay tectonic.

Bunsod nito, naram­daman ang lakas ng lindol sa intensity 5 sa Looc Lubang Island Occidental Mindoro at Manila City, intensity 4 naman sa Quezon City, Mandaluyong City, Ma­kati City, Pasay City, Taguig City at Pasig City at sa Talisay, Batangas.

Intensity 3 naman sa Bagac Bataan, Canlu­bang, Laguna, Clark Pam­panga, Rosario, Trece Martires Cavite, Marikina City at Tagay­tay City at intensity 2 naman sa Calamba, Laguna, Puerto Galera at Oriental Mindoro.

Ayon sa Phivolcs, inaasahan na nila ang aftershocks makaraan ang pagyanig na ito pero wala namang na­italang pinsala ang lindol sa mga ari- arian at tao.

Matapos ang lindol, sabay-sabay naman na pina­inspeksiyon ni Manila City Building chief Engr. Melvin Balagot, ang mga lugar sa May­nila na may maraming mga gusali.

Ayon kay Balagot, ka­bilang sa mga siniya­sat ay ang lugar ng Bi­nondo, San Nicolas, Quiapo, Ermita at University Belt.

Sinabi ni Balagot na kailangang masiyasat ang mga gusali kabilang na ang mga condemn building upang matiyak na ligtas pa rin ang mga ito. (Dagdag report ni Doris Franche)