14 tiklo sa 'Recto University'

MANILA, Philippines - Labing-apat katao ang nadampot ng mga operatiba ng MPD- District Intelligence Divi­sion mula sa tinaguriang “Recto University” bunsod ng patuloy pa ring paggawa at pagbebenta ng mga pekeng diploma, birth certificate at sedula, kamaka­lawa ng hapon sa kahabaan ng C.M Recto Avenue, Sta. Cruz, Maynila.

Kinilala ang mga inaresto na sina July Ligaya, 29; Ruel Mendoza, 32; Ronalde de la Cruz, 30; Rex Lagrimas, 45; Eduard Panganiban, 34; Rosita Plamenco, 42; Arnel Foronda, 37; Maricel Beltran, 30; Maricris Babunan, 32; Melinda Ramos, 43; Jane Montejo, 24; Julie San­tiago. 38; Lito Manalo, 28; Ryan Aldiano, 28.

Nasamsam mula sa mga suspek ang 28 piraso ng board na gamit sa paggawa ng pekeng dokumento, 11 piraso ng pekeng sedula, monitor, CPU, AVR, scanner at 1 printer.

Ang pagsalakay ay isina­gawa   bunsod ng kautusan ni Manila Mayor Alfredo S. Lim ma­tapos may makatanggap muli ng reklamo hinggil sa pama­­mayagpag ng mga guma­gawa ng pekeng dokumento sa kahabaan ng CM Recto.

Kasong paglabag sa Sec. 4 Art. 169 ng Revised Penal Code o falsification of private and commercial document laban sa mga nadakip. (Ludy Bermudo)