BIR binulabog ng bomb threat

MANILA, Philippines - Nabalot ng tensyon ang main office ng Bureau of Internal Revenue (BIR) ma­tapos na bulabugin ang mga empleyado nito ng ban­tang pagpapasabog sa lungsod Quezon kahapon ng umaga.

Dahil dito, pansamanta­lang nahinto ang gawain ng hindi kukulangin sa 1,000 em­pleyado ng nasabing tang­gapan sa Agham Road matapos na magsipaglaba­san ang mga ito sa matinding takot.

Nag-ugat ang kaguluhan nang isang tawag mula sa telepono ang natanggap ng empleyadong si Imelda Bon­doy pasado alas-10 ng umaga sa personnel division mula sa isang lalakeng caller na nag­sasabing may bomba na sasabog sa tanggapan pa­sado alas- 10 ng umaga.

Agad namang rumisponde ang SWAT ng Quezon City Police sa pamumuno ni Insp. Arnulfo Franco, at sinimulang suyurin ang kabuuan ng gu­sali upang matukoy ang bomba. Tumagal ng halos 30 mi­nu­to ang paggalugad na ginawa ng operatiba ngunit nabatid na negatibo ito sa bomba. (Ricky Tulipat)