Review center inireklamo ng pharmacist

MANILA, Philippines - Inireklamo ng isang 27- anyos na pharmacist ang isang review center dahil sa kabiguang mapaalis siya para sa trabaho sa Australia, sa kabila ng P250,000 nakuha sa kanya bilang bayad sa pro­cess­ing fee at review, sa Malate, Maynila.

Ayon sa biktimang si Nona Carla Macuto Asi­lom, ng Julio dela Cruz St., Palanan, Makati City, pinagtataguan na siya ng suspek na si Dr. Joseph Bagtas Morales, ng 6th Ave., Grace Park Calo­ocan City, at may-ari ng ALL-UP Review and Edu­cation Center sa 1639 Room 203 Casa Pennsyl­vania Condo, Leon Guinto St., Malate, Maynila.

Sa imbestigasyon ni PO3 Mariano Panaligan, Oktubre 25, 2005 hang­gang Hulyo 2009 naganap ang bayaran sa mismong tanggapan ng suspek.

Sinabi ni Asilom, nag-review ito sa nasabing re­view center dahil sa ka­gustuhan na makapag­trabaho sa Australia tulad ng dadaanang FPGEE US Pharmacy Program, Aus­tralia Pharmacy Program at Pharmacy Board Exa­mination. Hiningan umano siya ng suspek ng hala­gang P250,000 para sa en­trance, processing at con­sultancy fees at Aus­tralian visa.

Sa kabila na natapos ng biktima ang kanyang pagre-review at kanyang Australian visa na la­mang ang kanyang hini­hintay hanggang sa tuma­gal na ang pangako na sa loob ng 2 taon ay maka­kaalis na ito.

Sa pagpa-follow-up niya umano sa tanggapan ng suspek ay hindi ito humaharap at pinasasabi na lamang ang pangako na makaaalis din siya. (Ludy Bermudo)