Dahil sa P100, driver inutas

MANILA, Philippines - Dahil sa 100 piso, isang driver ang pinagsa­saksak at napatay ng isang obrero sa lungsod Quezon kahapon ng madaling-araw. Labing-apat na saksak ang da­hilan ng kamatayan ng biktimang si Catalino Tipon-Tipon, 34, ng West Riverside St., Brgy. San Antonio sa lungsod.

Pinaghahanap na­man ang suspect na si Leo Nidoy, 34, na mabilis na tumakas matapos ang insidente.

Nangyari ang insi­dente sa may West Ri­ver­side St., ng nasabing barangay ganap na alas-3 ng madaling-araw nang pilit na binabawi ng bik­tima ang kanyang perang P100 na kinuha ng sus­pect habang siya ay nag­susugal ng larong “Pusoy 2”.

Tumanggi namang ibalik ng suspect ang pera hanggang sa ha­bulin ito ng biktima at dito na nagbunot ng patalim ang salarin at inundayan ng saksak si Tipon-Tipon. (Ricky Tulipat)