1 patay sa rambulan, 20 suspek tugis

MANILA, Philippines - Pinaghahanap pa ng pulisya habang isinusulat ito ang may 20 kalala­kihan na responsable sa pagka­matay ng isang lalaki at pag­kasugat ng limang iba pa matapos ang rambulan sa isang terminal ng bus sa A.H. Lacson st., Sampaloc, May­­nila kaha­pon ng ma­daling-araw.

Kinilala ang nasawing si Edgar Hernandez, 45, helper, walang permanen­teng tirahan. Siya ay idi­nek­larang patay sa United Doctor’s Medical Center ilang oras matapos mag­tamo ng mga saksak sa katawan.

Ang limang sugatan ay kinilalang sina Jemar Pernanda, 36, guwardiya, ng Florida Bus Terminal, Sampaloc, Maynila, na ginagamot sa Orthopedic Hospital dahil sa tinamong bala sa kaliwang tuhod; Albert Badocdoc, resi­dente ng no. Barangay Manresa, Quezon City, na ginagamot sa Ospital ng Sampaloc bunga ng mga hiwa ng pa­ talim sa ulo; Oscar Bensa Sr., 69, pedi­cab driver at residente ng Sampaloc at Oscar Bensa Jr, 35, tricycle driver, na nagtamo ng maraming tama ng saksak at kasalu­kuyang ginagamot sa UST Hospital.

Kabilang din sa nag­tamo ng maraming saksak sa katawan sina Salvador Aguas, 43, may-asawa at kuliglig driver at residente ng Sampaloc na tadtad din ng sugat bunga ng mga tina­ mong saksak sa katawan.

Pinaghahanp pa ang may 20 kalalakihan na nasa edad 20 hanggang 25 anyos, armado ng mga patalim at mga baril, sakay ng apat na scooters at isang pampa­sa­herong dyip.

Sa ulat ni Det. Richard Lumbad ng Manila Police District-Homicide Section, dakong ala-1:00 ng ma­daling-araw kahapon nang maganap ang insidente sa terminal sa Barangay 460, Zone 42,

Sa naging pahayag ng saksing si Carmelita Bensa, 23, ng Sampaloc, Maynila, ang mga suspek ay maari niyang makilala kung muling makikita.

Nagsimula ang riot nang ang dalawa umano sa suspek ay nakasagutan ang biktimang si Aguas, ang kuliglig driver na dinamayan ng isang Alvin hanggang sa bugbugin ng isa si Aguas, mabilis na lumayo ang dalawang suspek at nagbanta na reresbak. (Ludy Bermudo)