Palengke minomonitor ang mga isdang may jobos

MANILA, Philippines - Inutos ni Jesus Mari Marzan, city administrator ng Manila City Hall, sa mga tauhan ng Vete­rinary Inspection Board na subaybayan ang mga palengke at mga talipapa laban sa uma­no’y paggamit ng jobos sa mga isdang tinitinda.

Sinabi ni Marzan na nakakaalarma ang modus operandi ng mga tindera sakaling totoo ang report dahil magdudulot ito ng ma­samang epekto sa ka­lu­sugan ng sinumang consumer na makakain ng isdang may jobos.

Ayon kay Marzan,   sabay-sabay ang mo­ni­toring na isina­sa­gawa sa may 16 na pa­lengke at 10 talipapa na hawak ng kanyang tang­ga­pan upang ma­tukoy kung sino sa mga stall owners ang gumagamit ng jobos upang mag­muk­hang sariwa ang kani­lang panindang isda.

Inirekomenda din ni Marzan sa publiko na iwasan na bumili ng mga isdang tumpok at sa halip ay sa mga suking tindera bumili upang matiyak ang ka­nilang kaligtasan.

Sakali umanong duda at takot na kumain ng isda, pinayuhan ni Marzan ang publiko na kumain na lamang ng gulay. (Doris Franche)