4-anyos hulog sa estero, patay

MANILA, Philippines - Patay na nang madiskub­reng nahulog sa isang ma­burak na estero ang isang 4-anyos na batang lalaki, ma­tapos matulog sa nakapara­dang tricycle,  sa Tondo May­nila kahapon ng umaga.

Dakong alas-7 na ng uma­ ga nang makitang lumu­lutang sa Estero de San Lazaro, sa Old Antipolo St., Tondo, ang biktimang kinila­lang si Cholo de Jesus, na sina­sabing kara­rating pa lamang sa Maynila noong Huwebes, mula sa Tarlac, Tarlac. Inihatid ito ng kaniyang lola sa tiyuhing si Danilo de Jesus, 19, tricycle driver at walang permanen­teng tirahan sa Maynila.

Sinabi ni Danilo na katabi niyang natulog sa pampa­sada niyang tricycle ang paslit dakong alas-2 ng madaling- araw. Dakong alas-7 ng umaga ay ginising siya ng helper sa isang auto parts merchandising na si Domingo Lavenia at sinabing   nakalu­tang na sa estero ang kan­yang pamangkin.

Sa imbestigasyon ni Det. Gerry Amores ng Manila Po­lice District-Homicide Section, posibleng aksidente ang pag­kakahulog ng biktima sa estero dahil walang harang o gutter ang gilid ng estero kung saan nakaparada ang tinulu­gang tricycle ng biktima at tiyuhin nito.

“Hiwalay ang magulang ng biktima kaya iniwan na la­mang ito sa kanyang lola, ka­ka­luwas lamang nila noong isang araw, ” ani Amores.

Gayunman, patuloy pa rin ang isinasagawang imbesti­gas­yon ukol dito. (Ludy Bermudo)