Buriki gang sumalakay uli sa BOC

MANILA, Philippines - Muli na namang su­ma­­la­kay ang tinaguriang “Buriki gang” sa loob ng Customs Intelligence and Investigation Service (CIIS) ng Bureau of Customs (BOC).

Ito ay matapos na madiskubre na nawa­wala ang mga mama­haling elec­tronic gadgets na na­katago sa Warehouse 159 sa Port of Manila.

Base sa nakuhang dokumento mula sa Customs Security warehouse kabilang sa mga nawa­wala ang flat-screen tv sets, kahon ng Nikon single lens reflex (SLR) cameras, 10 piraso ng Sony Portable Playsta­tion units, kahon ng JVC car stereo at tatlong piraso ng Panasonic wireless phones.

Bukod sa mga ito na­wa­wala din ang tatlong DKNY at Bulgari na pa­ba­ngo, tatlong piraso ng dual shock wireless phones at 10 kahon G-Schock casio watches at marami pang iba.

Kabilang sa mga naka­­lagda sa sample re­ceipts si Michel Verdeflor Asst. Chief Operation ng BOC.

Ang pag atake umano ng “buriki gang “ay naga­nap sa kabila ng pa­ngako ni Customs Commissioner for Intelligence Chief Jairus Paguntalan na ligtas ang 40 footer container van na naglala­man ng mga ma­mahaling electronic gadgets hang­gat nasa kani­lang kusto­diya.

Subalit alam naman umano ni Paguntalan ang paglilipat ng mga kar­ga­mento sa CIIS agents na pinangungu­na­han ng ta­uhan nito na si senior intelligence officer Eric Albano.

Batay sa demanda ng Department of Finance-Revenue Integrity Protection Service (DOF-RIPS) sa Office of the Ombudsman, sina Ver­de­flor at Al­bano ay may­roong naka­binbing mga kasong ad­ministratibo at kriminal dahil sa umano’y mga kwesti­yunableng kaya­ma­­nan ng mga ito. (Gem­ma Amargo-Garcia)