Dalagita binuntis ng ampon

MANILA, Philippines - Isang 54-anyos na binata ang inaresto ng pulisya kamakalawa ng gabi dahil sa umano’y panggagahasa at pagka­kabuntis niya sa isang 15 anyos na dalagita sa bahay nito sa Barangay Central, Quezon City.

Ang suspek na dinala sa tanggapan ng Criminal Investigation and Detective Unit ng Quezon City Police District ay kinilalang si Jaime Mon­dal, residente sa Block 18, Lot 8, Barangay Botol, Dasmariñas, Cavite City.

Sinasabing nangyari ang pang-aabuso sa biktima sa pagitan ng August 2009 hanggang December 20, 2009.

Sinasabing ang sus­pek ay naunang iinam­pon o kinupkop ng mga magulang ng biktima sa kanilang bahay dahil wala umano itong ka­mag-anak.

Naging katulong ng pamilya ang suspek sa kanilang tindahan sa loob ng 23 taon kaya hindi lubos maisip ng mga una kung bakit nito ginawa ang naturang pang-aabuso.

Inamin umano ng suspek na inaabuso niya ang dalagita tuwing mag­bubukas siya ng tindahan sa madaling-araw.

Pinapasok umano niya ang bata sa loob ng kuwarto saka nito pupu­wer­sahing gawan ng kahalayan.

Hindi agad makapag­sumbong ang biktima sa kanyang mga magulang, dahil sa takot sa banta ng suspek na papatayin silang lahat kaya kinim­kim lamang ito ng una.

Subalit, dahil may na­kitang kakaiba sa kini­kilos at katawan ng bik­tima, napuna ito ng kan­yang mga magulang da­hilan upang ipatingin siya sa duktor nitong Enero 8.

Sa pagsusuri ng mga doktor, lalong ikinadis­maya ng mga magulang ang resulta nang mala­mang positibong nagda­da­lantao ang biktima na kagagawan ng suspek.

Hindi tumigil ang mga magulang ng bata sa paghahanap kaya nag­ta­nong-tanong sila sa kina­roroonan ng suspek hang­­gang sa may nagsa­bing nanunuluyan ito sa isang lugar sa Cavite City.

Nagpasya ang pa­milya ng biktima na mag­tungo sa nasa­bing siyu­dad at nagpatu­long sa barangay hang­gang sa madakip ang suspek. (Ricky Tulipat)