Relay for Life ni Joy B, tagumpay

MANILA, Philippines - Matagumpay na na­tapos ang ika-limang taong pagdi­riwang ng Philippine Cancer So­ciety’s Relay for Life 2010 na isinagawa sa Amoranto Sports Complex noong Peb­rero  19 hanggang 20.

Ang Relay for Life 2010 ay isang  overnight event na la­yuning mapalawak ang kaala­man ng mga in­di­bidwal hinggil sa sakit na kanser at supor­tahan ang mga taong may ga­nitong sakit.

Umaabot sa 3,000 ka­tao ang nakiisa sa natu­rang okas­yon mula sa limang samahan, siyam na support groups, 64  QC ba­rangays at 20  depart­ment / offices mula sa lokal na pamahalaan.

Ang naturang pagti­tipon ay personal na pinangasi­waan at binuk­san ni  QC Vice Mayoralty bet Joy Belmonte na siyang Chair­man ng Relay for Life ngayon.

Sinabi ni Belmonte sa okas­yon na patuloy niyang su­suportahan ang adhi­kain ng programa at higit na pala­lawakin ang pro­yekto at akti­bidad para sa kapa­kanan ng mga cancer patients.

Tampok din sa okasyon ang Luminaria bilang pag- alaala sa mga mahal sa buhay na yumao na dahil sa sakit na cancer.

Nakalikom ang Philip­pine Cancer Society ng milyong pisong halaga ng cash at goods donation mula sa mga sponsors, donors at advo­cates. (Angie dela Cruz)