Tsinoy trader kinidnap sa Quezon City

MANILA, Philippines - Dinukot ng apat na hindi pa nakilalang mga arma­dong kalalakihan na naka­suot ng t-shirts na may tatak na “Po­lice” ang isang negosyanteng Chinese sa Brgy. Bungad, Quezon City nitong Martes.

Sa report na nakarating kahapon sa tanggapan ng Po­lice Anti-Crime Emergency Response (PACER) sa Camp Crame, kinilala ang biktima na si Jona­than Chua ng Cycle Mass Marketing na matatag­puan SFDM, Que­zon City.

Batay  sa imbestigas­yon, na­ganap ang pagdu­kot sa bik­­tima sa kahabaan ng Judge Luna St. malapit sa pa­nu­lukan ng De Jesus St., Brgy., bu­ngad ng na­sabing lungsod.

Kasalukuyang minama­neho ng biktima ang ka­nilang kulay maroon na company car na isang Mitsu­­bishi Lancer (WTH-188) patungo sa ka­nilang tanggapan at pagsapit sa lugar ay hinarang ng mga armadong suspect.

Ang mga suspect ay sakay naman ng isang dark colored na behikulo na may plakang ZMC-216 ay agad na tinutukan ng baril ang bik­tima at kina­ladkad pa­baba sa kan­­yang sasak­yan at isina­kay sa sa­sak­yan ng mga suspect­.

Sa inisyal na beripi­kasyon na isinagawa ng mga awto­ridad sa Land Transportation Office (LTO) nabatid na ang plate number­ ng sasakyan na ginamit ng mga suspect ay nakare­histro sa isang Isuzu vehicle­  Model 2007 na kulay puti at nairehistro noong Enero 2008.

Patuloy ang isinasa­ga­wang imbestigasyon ng mga awtoridad sa kasong ito upang matukoy ang grupo ng mga kidnappers at mailigtas ang biktima.