Demolisyon sa Quezon City, pinatigil ni SB

MANILA, Philippines - Pinatigil ni Quezon City Mayor Feliciano Belmonte Jr. ang lahat ng demolisyon, sa Quezon City hanggat hindi nata­tapos ang eleksyon. Sa memorandum circular na nilag­ daan ni Belmonte, ipinag-utos nitong itigil ang anumang demo­lisyon sa QC upang ma­iwasan ang maling kaisipan na ito ay may kinala­man sa halalan. Nais ni Belmonte na ma­ipakita sa lahat na patas ang kanyang tanggapan at ma­iwasan ang maling inter­pre­­tas­yon na ginagamit ng kan­yang administrasyon ang pag­kakataon upang maki­nabang o sirain ang anumang partido politikal at kandidatong kala­hok sa May 2010 election. Hindi kabilang sa kautu­san ni SB ang kasalukuyang pro­yekto ng Department of Public­ Works and Highways (DPWH) at ng QC govt. na lub­hang ka­pakipakinabang sa pangka­lahatang development plan ng lungsod. Ayon sa me­morandum order, lahat ng illegal na istruk­tura na sagabal sa development plan ng lung­sod ay kaila­ngang tanggalin. Tiniyak din ni SB na mata­ta­pos niya ang lahat ng major projects na kinakailangan bago matapos ang kanyang termino sa June 30 ng taong ito.  (Angie dela Cruz)