Bodyguard patay sa riding in tandem

MANILA, Philippines - Binaril hanggang sa ma­patay ng riding in tandem ang isang bodyguard kama­ka­lawa sa Quezon City.

Dead on the spot ang biktimang si Hipolito Andrade, 45 at kasalukuyang naninira­han sa Sarimanok St., Mira­mila Homes, Tandang Sora, ng naturang lungsod.

Base sa ulat, nangyari ang insidente ganap na alas- 11:30 ng gabi sa tapat ng Pegasus Club na matatagpuan sa kanto ng Sct.Chuatoco at Quezon Avenue, Quezon City.

Sinasabing sakay ng kanyang motorsiklo ang biktima at huminto sa nasa­bing lugar upang tumawag sana sa kanyang cellphone nang biglang sumulpot ang dalawang suspek na sakay din ng motorsiko na hindi naplakahan.

Bumunot ng kalibre 45 baril ang isa sa mga suspek bago binira sa ulo at dibdib ang biktima at saka umes­kapo sa lugar ng pinangya­rihan.

Hindi naman binanggit kung sino ang amo ng biktima habang inaalam pa ang mo­tibo sa isinagawang pagpas­lang dito. (Angie dela Cruz)