LTO binira sa refund ng RFID fee

MANILA, Philippines - Binatikos ng transport group ang Land Transportation Office matapos ihayag na sa susunod na taon na lang ito mag-re­refund ng perang naiba­yad ng mga car owners para sa Radio Frequency Identification Device (RFID).

Ayon sa grupong Ba­ngon Transport at Prog­ress and Reforms Oriented Transport organization Network Inc., kinaka­ila­ngang maibalik sa loob ng taong ito ang RFID fee sa mga moto­rista dahil hindi naman naipatupad ang natu­rang proyekto at walang na­ging pakinabang dito.

Kinuwestiyon din ng Proton ang LTO sa pag­tatanggol nito sa Strad­com Corporation dahil ang huli ang dapat na magrefund ng RFID fee dahil ito ang naningil sa mga motorista.

Umaabot sa 90,000 motorista ang humihingi ng refund ngayon sa Strad­com Corporation matapos na ito’y iutos ng Mala­cañang.

Inatasan din ng Korte Suprema ang LTO na pahintuin ang paniningil ng RFID fee matapos na katigan ang petisyon ng Piston, Anak­pawis, Bayan Muna at Gabriela dahil ito ay ilegal at hindi dumaan sa bidding bukod pa sa hindi apru­bado ng NEDA. (Butch Quejada)