Vice-president ng TODA itinumba

MANILA, Philippines - Nasawi makaraang pagbabarilin ng isa sa limang armadong kala­la­­kihan ang bise-presi­dente ng isang tricycle association sa isang terminal sa lungsod Que­zon, iniulat kahapon.

Kinilala ang biktima na si Ricardo Flores, 52, operator at bise pre­sidente ng North Triangle Alliance Tricycle-Operators and Dri­vers Association (TODA) at residente ng Tinio St., NPC Ville. Tandang Sora sa lungsod.

Patuloy ang panga­nga­lap ng impormasyon ng mga awtoridad upang matukoy ang nasabing mga suspect na mabilis na nagsitakas matapos ang pamamaril.

Ayon sa pulisya, nang­­yari ang insidente sa loob ng central terminal na ma­ta­tagpuan sa Edsa corner Quezon Avenue sa lungsod ga­nap na alas-6 ng gabi.

Sinasabing nakaupo ang biktima at umiinom ng tubig sa isang karin­derya dito nang lapitan siya ng limang suspect.

Isa sa mga suspect ang nagbunot ng baril saka pinaputukan ang biktima sa ulo, habang ang ibang kasamahan nito ay nag­silbing back up.

Matapos ang pama­maril ay naglakad la­mang ang mga suspect na parang walang nang­yari at iniwang walang buhay ang biktima.

Ayon kay Rey Ban­tilan, security guard, na­karinig umano siya ng sigaw mula sa suspect ng katagang “Yun ang suwail” saka ang putok ng baril.

Sinasabing tinangka pa ng sekyu na habulin ang mga suspect, ngu­nit ma­ging ito ay pina­putukan ng mga huli ngunit nagmin­tis at ang tinamaan ay ang naka­paradang Nissan Urban­ sa nasabing lugar.