Technician binoga, patay

MANILA, Philippines - Isang aircon technician ang nasawi matapos pagbabarilin ng dalawang hindi pa nakikilalang lalaki habang ang una ay natutulog sa loob ng kanilang bahay sa Caloocan City kama­kalawa ng gabi.Nakilala ang nasawi na si Jerry Decena, 40, ng Quisumbing St., Camarin ng lungsod na ito. Sa inisyal na imbes­tigasyon ng pulisya, alas-9 ng gabi, ng maganap ang krimen habang natutulog sa loob ng kanilang bahay ang biktima nang pasukin ng mga suspek at pagbabarilin.

Matapos ang insidente ay tumakas ang mga suspek dala ang ginamit na baril. Hindi pa matiyak kung ano ang motibo sa isinagawang pagpaslang sa biktima.(Lordeth Bonilla)