Metro Manila di pa tatamaan ng rotating brownout

MANILA, Philippines - Ligtas pa sa “rotating brownout” ang Metro Manila at mga karatig la­ lawigan ma­karaang sabihin kahapon ng Manila Electric Company (Meralco) na wala pang abiso sa kanila para magpatupad nito.

Sinabi ni Meralco Corpo­rate Communications Man­ager Dina Lomotan na wala pa silang natatanggap na abiso mula sa National Grid Corp. of the Philippines (NGCP) hinggil sa iskedyul ng ipapatupad na rotating brown­out.

Gayunman, inihayag ni Lomotan na handa silang mag­­bawas ng supply ng kur­yente kung kinakailangan para ma­iwasan ang mas malaking problema.

Una nang iniulat na mag­kakaroon ng dalawang beses na rotating brownout kada araw sa Luzon dahil naka-shutdown umano ang Malam­paya Natural Gas Facility. 

Inaasahang mag-uumpisa at tatagal ang rotating brown-out mula Pebrero 16 hang­gang Marso 11 dahil sa pag­ka­ubos ng suplay ng kuryente sa Malaya power plant. (Danilo Garcia)