11 pasahero ng bus, hinoldap

MANILA, Philippines - Matinding takot ang dina­nas ng may 11 pasahero ng isang bus makaraang holda­pin ang mga ito ng tatlong armadong kala­lakihan na nagpanggap ding mga pasa­hero kamaka­lawa ng gabi sa Pasay City.

Sa inisyal na pagsisiyasat ng pulisya, binabagtas ng Philip­pians Bus (TXW-575) at mina­maneho ni Rolando Elba, 42, ng Caloocan City ang ka­habaan ng EDSA dakong alas-7 ng gabi nang magdek­lara ng holdap ang mga suspect. Dito ay tinutu­kan ng baril at pa­talim ang mga biktimang pa­sa­hero habang nililimas ang ka­nilang mga pera at personal na gamit ng mga ito, tulad ng mga cellphone, mga alahas, ATM cards.

Dahil sa matinding takot, hindi nakapalag ang mga bik­tima sa mga suspek. Ma­tapos ang isinagawang pang­hohol­dap ay mabilis na nagsi­takas ang mga suspect ha­bang agad namang nagharap ng sumbong sa pulisya ang mga biktima. (Lordeth Bonilla)