Re-routing sa Family Day sa Caloocan

MANILA, Philippines - Magkakaroon ng re-routing mula bukas ng gabi hanggang Linggo ng hapon (Pebrero 6 at 7) sa ilang kalsada sa Caloocan City dahil na rin sa Family Day sa C-3 Road bilang bahagi ng pagdiriwang ng 48th Foundation Anniversary ng lungsod.

Ayon kay Caloocan City Mayor Enrico “Recom” Echiverri, dakong alas-10:00 ng gabi ng Sabado ay pansamantalang isasara ang C-3 Road mula sa 5th Avenue hanggang A. Bonifacio at muli itong bubuksan sa trapiko bandang alas-2 ng hapon ng Linggo.

Pinapayuhan ang mga motorista na magmumula sa 5th Avenue West papuntang C-3 na kumanan o kuma­liwa sa Rizal Avenue Extension habang ang mga sasak­yan naman na manggagaling sa North A. Bonifacio, Quezon City ay kakanan sa A. Bonifacio at kakaliwa sa 7th St. Ang mga sasakyan namang magmumula sa Manila area na papuntang Efipanio delos Santos Avenue ay maaaring dumaan sa 8th Avenue, 9th Avenue at 10th Avenue upang makaiwas sa abala.