Driver, patay sa sumpak ng vendor

MANILA, Philippines - Patay ang isang 22-anyos na tricycle driver   makaraang barilin ng  sumpak ng isang vendor  sa Quezon City, ka­ma­kalawa  ng gabi.

Kinilala  ni P/Supt. Crisos­tomo  Mendoza, hepe  ng  Batasan Police Station  6  ang biktima na si Jonard Garga­nera, ng   Katuparan St., Brgy. Commonwealth, Quezon City.

Si  Garganera ay nama­tay habang nilalapatan ng lunas sa East Avenue Medical Center (EAMC) dahil  sa tina­mong mga tama  ng bala  sa katawan.

Pinaghahanap naman ng pulisya ang tumakas na suspek  na si Onya Caimpre, 22, fish ball vendor at resi­dente  ng Everlasting St., Pa­yatas, Quezon City.

Base  sa  report, pasado alas-8:30  ng gabi nang ma­ganap  ang krimen  sa kaha­baan ng Everlasting St. sa nasabing  Barangay.

Nagpapasada  umano ang  biktima ng kanyang tri­cycle nang biglang harangin ng suspect at walang sabi-sabing tinira ito ng sumpak  sa  katawan. Hindi naman ma­linaw kung ano ang motibo sa isina­gawang krimen. (Angie dela Cruz)