3 Chinese timbog sa ni-raid na shabu lab

MANILA, Philippines - Tatlong pinaghihinala­ang big-time Chinese drug traf­ficker ang nasa­kote ng mga operatiba ka­sunod ng gina­wang pag­salakay sa isang  mini shabu laboratory sa Para­ñaque City kamaka­lawa ng hapon.

Kinilala ni PNP-Anti-Illega­l Drugs Special Ope­rations Task Force (PNP-AID-SOTF) chief Deputy Director General Jeffer­son Soriano ang mga nasako­teng suspect na sina Chu Kin Tung, alyas  Toni Lim, 36, tu­bong Hong Kong; A Chi, 29; at Wong Min Pin, alyas Chua, 47, ng Macau, China.

Bandang alas-5 ng hapon nang magsagawa ng drug-bust operation ang mga awtoridad sa bisa ng search warrant na ipinala­bas ni Pa­rañaque Regional Trial Court Presiding Judge Aida Maca­pagal sa inuupa­hang apart­­ment ng mga suspect sa #144 Concha Cruz Drive, BF Homes, Para­ñaque City.

Bago ito, ayon kay PNP Spokesman Chief Supt. Leo­nardo Espina ay naka­tanggap ng impor­masyon ang mga opera­tiba hinggil sa ilegal na aktibidades ng mga na­sabing dayuhan sa na­turang lugar.

Agad itong isinailalim sa surveillance operations at nang magpositibo ang impor­masyon ay isina­gawa ang raid.

Nasamsam sa raid ang ‘kitchen type shabu labo­ra­tory’,   isang Glock 9mm na may silencer, isang fragmen­tation grenade, hindi pa ma­deter­minang dami ng shabu at mga kemikal na gamit sa pag­gawa nito gayundin ang sari-saring mga kaga­mitan sa pag­gawa ng shabu.

Nahaharap ngayon sa kasong kriminal ang mga nasakoteng suspect.