Que­zon City Hall employees may pay adjustment ngayong Enero

MANILA, Philippines -  Tatanggap na ng ka­rag­dagang suweldo ang mga regular na kawani ng pamahalaang lungsod ng Quezon ngayong Enero.

Ito ay matapos iutos ni Mayor Feliciano Bel­monte Jr. na ihanda na ang pay adjustment no­tice para sa mga City Hall employee ngayong buwan.

Ang salary adjust­ment ng mga empleyado ng City Hall ay magsisi­mula nga­yong Enero 1 na alin­sunod sa Execu­tive Order 811 na nilag­daan ni Pa­ngulong Gloria Macapa­gal-Arroyo no­ong Hunyo 17, 2009.

Sa ilalim ng kautusan, ang salary rate ng local government personnel ay tutukuyin ng Sanggunian o City Council kung saan pagbabasehan ang pi­nan­syal at kita ng pama­ha­laang lungsod. Ang salary rates ng mga LGU em­ployees ay hindi dapat so­sobra sa kabuuang per­sonal services cost ng lokal na pamahalaan.

Ang pagbibigay ng unang bugso ng salary adjustment ng mga state workers sa QC Hall ay na­isama na sa 2010 QC appropriation o city budget.

Sinabi ni Belmonte na ang karagdagang suwel­do sa mga empleyado ng QC Hall ay makatutulong na matugunan ang ka­nilang pang-araw-araw na pa­nga­ngailangan lalo na nga­yong panahon ng krisis.

Bukod sa pay adjust­ment, nakatakda ring tu­manggap ang mga regular na kawani ng City Hall ng karagdagang be­nepisyo ngayong buwan, kabilang din ang mga nasa ilalim ng contract of services.

Ang insentibong ibi­bigay ngayong buwan ay katumbas ng 50% na basic salary ngayong Enero 1, 2010 ng isang empleyado ng City Hall. Samantalang ang pro­duc­tivity bonus at service reward ay hindi lalampas sa P2,000.