2 maintainer ng drug den, arestado

MANILA, Philippines -  Dalawa sa limang ka­la­lakihang maintainer ng drug den ang naaresto ng mga operatiba ng Philip­pine Drug Enforcement Agency (PDEA) matapos ang pagsalakay sa lung­ga ng mga ito sa lungsod ng Manila kahapon ng hapon.

Ayon kay Metro Ma­nila Regional Office Chief Supt. Carlos Gatapan, na­kilala ang mga naares­tong mga suspek na sina Rodolfo Carga at Jeff Bartolome, kapwa mga look out sa operation ng drug den na matatag­puan sa #1622 at # 1625 J. Marsan St., Sam­paloc, Manila.

Sinasabing ang nasa­bing bahay ay bagsakan at gamitan ng droga ng mga drug pushers at users kung saan pangu­nahing target ng PDEA ay ang mga suspek na nakilalang sina Ruben Macaranas, Alex Carga, at Popoy Bene­dicto, mga maintainer ng nasabing drug den.

Ayon sa ulat,  naga­nap ang pagsalakay sa bisa ng search warrant na ipina­labas ng Re­gional Trial Court-Na­tional Capital Division Branch 28 Manila sa pa­mumuno ni Judge Niña Antonio Velasquez.

Sinabi ni Gatapan, ma­tagal na nilang mino­mo­nitor ang operasyon ng na­sabing mga suspek hang­gang sa mapatu­nayang malaki ang parti­sipasyon ng mga ito sa bentahan ng droga sa lungsod kung kaya agad silang humingi ng search warrant laban sa mga ito para sa gagawing pagsa­lakay.

Ganap na alas-2:30 ng hapon nang gawin ang pag­salakay sa na­sabing lugar kung saan nadakip ang dalawa ha­bang na­gawa namang makatakas ang tatlong nabanggit na maintainer sa pamamagi­tan ng pag­talon sa bintana patungo sa madilim na kalye dito.

Narekober sa lugar ang hindi pa mabatid na halaga ng droga at mga para­pher­nalia na ginaga­mit para sa paghithit ng na­sabing droga.

Bukod pa rito ang ibang droga na ayon sa PDEA ay itinapon at ipi­na-flush sa inidoro para maitago ang ebidensya.

Sa kasalukuyan, pa­tu­loy ang pagtugis ng awto­ridad sa nakatakas na mga suspek habang pa­tuloy naman ang imbesti­gasyon sa halaga ng na­samsam na droga. (Ricky Tulipat)