Ama todas sa ka-riot ng anak

MANILA, Philippines - Patay sa saksak ang isang 41-anyos na ama nang pagbalingang saksakin ng grupong karambulan ng anak na babae, kamakalawa ng gabi, sa Tondo, Maynila.

Nakilala ang biktima na si Ferdinand Roque, vendor ng #1583 Franco st., Tondo ay bi­na­wian ng buhay sanhi ng sak­sak sa kaliwang dibdib malapit sa kilikili.

Sugatan naman ang anak ng biktimang si Joy, 16; Melvin Indusil, 20; at  Ryan Rueda, 27, na pawang ginagamot pa sa Mary Johnston Medical Center. Itinuturong mga suspek sina alyas “Jeffrey”, “Ace Pring” at  “Joey Rico”.

Sa ulat ng pulisya, dakong alas-7:20 ng gabi nang ma­ganap ang insidente sa harap ng bahay na matatagpuan sa A. Franco st., Tondo.

Nabatid na nagbabantay sa kanilang karinderya ang biktima at misis na si Jessica nang su­miklab ang riot  na kina­bibila­ngan ng anak nilang si Joy at mga kaibigang babae.

Nang umawat umano ang bik­tima ay biglang may nam­bato ng mga bote at bato mula sa ka­ labang grupo nila Joy. Hindi rin namalayan na duguan na ang bik­tima at nang isugod sa paga­mutan ay idineklarang dead-on- arrival dahil sa saksak sa kali­wang dibdib. (Ludy Bermudo)