P1-M fireworks display sa Maynila

MANILA, Philippines - Bilang pagsalubong sa Bagong Taon, inaanyayahan ni Manila Mayor Alfredo Lim ang mga Manilenyo na samahan silang saksihan ang fireworks display na isasagawa mama­yang gabi sa Rajah Sulayman Park sa Maynila.

Ayon kay Chief of Staff Ric de Guzman, ang fireworks na nagkakahalaga ng isang milyon ay programa ng city government upang ma­iwasan nang pagpaputok pa ang mga resi­dente  na maaaring magdulot ng disgrasya.

Sinabi ni de Guzman na ito ay isang paraan upang maiwasan ang pagdami ng bilang ng  mga nasusugatan sa pagsisindi ng mga pa­putok. Isa na itong makabago at ligtas na paraan ng pagsalubong sa bagong taon.

Aniya, ang fireworks display ay magpapa­kita ng iba’t ibang magagandang pagpapa­putok na lubha namang hahangaan dahil isa­sa­gawa ng mga eksperto. Bukod sa fireworks, magkakaroon din ng mga programang mapa­panood ang mga resi­dente ng Maynila habang sinasalubong ang  taong 2010. (Doris Franche)