Bebot natagpuang patay sa hotel

MANILA, Philippines - Isang babae na tinatayang nasa 20-anyos ang natagpu­ang patay sa isang silid ng hotel, sa Sampaloc, Maynila, sa ulat kahapon.

Ayon kay Chief Insp. Erwin Margarejo, hepe ng Manila Police District-Homicide Sec­tion, kailangan pa nilang im­bestigahang mabuti ang kaso upang matukoy ang motibo sa krimen dahil sa pagtungo ng hindi pinangalanang mag-asawa na nais kunin ang bangkay at sinasabing ito ang nawa­wala nilang anak na 14- anyos.

Sa pagtaya ng pulisya, ang katawan ng biktima ay akma sa edad na 20-anyos, may taas na 5’3’’, slim, kayu­manggi, nakasuot ng silver bracelet at brown t-shirt at maong na pantalon at hindi umano masa­ sabing 14-anyos.

“The pubic area is also not consistent with that of a 14-year-old girl,” ani Margarejo.

Bukod sa duguan ang ari, magang-maga rin ang kata­wan ng biktima na pinaniniwa­la­ang mahigit sa 24-oras na itong patay.

Sa imbestigasyon, nadis­kubre ang bangkay dakong alas-6:30 ng umaga sa loob ng room #346 ng Marina Hotel, sa Nicanor Reyes St., Sampaloc.

Pinaghahanap din ng pu­lisya ang itinuturong nagba­yad ng kuwarto kung saan nakita ang bangkay.

Ayon sa impormasyon ng hotel, isa umanong ‘bading’ ang nag-check-in sa nasabing kwarto noong Disyembre 22 . Ang nasabing bading din ang nagbayad pa ng 12-oras na ekstensiyon para sa nasabing silid na aabot hanggang Dis­yembre 25 ng alas-5 ng umaga.

Huli umano itong nakita ng staff ng hotel noong gabi ng Disyembre 24.

Kinabukasan, lagpas na umano ang binayarang eks­tensiyon kaya kinatok na ang silid subalit walang suma­sagot kaya napilitang gamitan ng duplicate key at doon tumambad ang nakahigang bangkay ng biktima sa kama.

Walang wallet o gamit na maaring pagkunan ng pagki­lanlan ng biktima maliban sa nagkalat na bote ng beer at mineral water.