Dating nagtatrapiko, E-jeepney driver na

MANILA, Philippines - Sa halip na mag-ayos ng daloy ng trapiko sa mga kalsada, nag-iba na ng linya ang ilang kagawad ng Makati Public Safety Assistance dahil tsuper na sila ng Electric Jeepney o E-Jeepney na pumapasada sa Makati City Business District Center.   Ito ang bagong programa ng pamahalaang lungsod ng Makati na inilunsad noong unang linggo ng Nobyembre ng taong kasalukuyan.     May 12 unit ng E-Jeepney ang namamasada ngayon sa nabanggit na lugar kung saan ilang kagawad ng MAPSA ang nagsisilbing driver.    Libre naman sa pasahe ang mga sumasakay sa E-Jeepney na pinapaandar ng baterya at bahagi ng kawanggawa ng pamahalaang local lalo na ng MAPSA. (Lordeth Bonilla)