Carjacker todas sa biniktimang trader

MANILA, Philippines - Isa sa limang miyem­bro ng kilabot na car­ja­cking syndicate ang na­sawi ma­karaang palagan at ma­baril ng isang ne­gos­yan­teng tatanga­yan sana nila ng sasak­yan sa lung­sod Quezon, iniulat kahapon.

Sa pamamagitan ng mga identification card nakilala ang nasawing sus­­pek na si Redentor Fa­jardo, ng Baliwag Bulacan.

Ayon sa ulat, pinag­ha­­hanap pa ng pulisya ang apat na kasamahan ng na­­­sawi na sinasabing sang­kot sa serye ng car­jacking incident sa Metro Manila.

Si Fajardo ay nasawi makaraang mabaril ng negosyanteng si Jeffrey Atanacio, 38, matapos na tangkaing i-carjack ng grupo ang sasakyan nito na isang Ford Explorer (XPC- 817).

Sa ulat, nangyari ang insidente sa may malapit sa tahanan ng biktima pasado alas-10 ng gabi.

Sinasabing papasok na sana ang biktima ka­sama ang kanyang pa­milya sa gate ng kanilang bahay sakay ng Ford Explorer nang humarang sa daraanan nila ang mga suspek at sabay tutok sa kanila ng baril.

Puwersahang tina­ngay ng mga suspek ang nasabing sasakyan, ngu­nit hindi pa ang mga ito nakakalayo ay pina­pu­tukan na ang mga ito ng biktima dahilan upang tamaan si Fajardo.

Sa pagbulagta ni Fa­jardo ay naalarma ang ibang kasamahan nito at nagsitakas sakay ng naka­antabay nilang getaway na Fortuner patu­ngo sa hindi mabatid na direksyon.

Samantala, hinala ng awtoridad na malaking sindikato ang grupo dahil sa mga nakuhang IDs kabilang ang sa PNP intelligence unit na ginaga­mit nila para magkaroon ng access sa checkpoint.

Gayunman, patuloy ang imbestigasyon ng awtoridad sa nasabing insidente upang matukoy ang iba pang suspek. (Ricky Tulipat)