3 tiklo sa mga pekeng pera

MANILA, Philippines - Arestado ang tatlong lalaki na res­pon­sable sa paggawa ng mga pe­keng P1,000 at P500 bills matapos ang isang buy bust operation sa mismong pagawaan sa Sta. Cruz, Maynila.

Kinilala ang mga suspect na sina Richard Dan, alyas Richard Tang, 38; Ricky Chan alyas Iking, 45; at Roel Yacob alyas Ri­chard­, 41.   

Inihahanda na ang kasong illegal possession and use of false treasury o bank notes and other instruments of credits laban sa mga suspect. Ang tatlo ay pinaniniwa­laang nagpa­pa­kalat ng pekeng pera sa Metro Manila.

Ayon sa ulat unang  bu­mili ang poseur-buyer ng tatlong pirasong P500 bills sa halagang P150 bawat isa. Muli itong nasundan kung saan 20  piraso naman ang  binili ng poseur-buyer at dito na isina­gawa ang pag-aresto sa mga suspect.

Si Dan  ang manufacturer at may-ari ng  printing machines na ginagamit sa paggawa ng fake money bills habang sina Chan at Yacob ang  gumagawa at nagsi­silbing sales agents. (Doris Franche)