Ex-actress Aurora Sevilla, tiklo sa shabu

MANILA, Philippines - Kulungan ngayon ang ki­ nasadlakan ng dating aktres at beauty queen na si Aurora Sevilla makara­ang ma­aktuhan ng Manda­luyong police na nagbe­benta ng shabu, kamaka­lawa ng gabi sa naturang lungsod.

Nakadetine ngayon sa Mandaluyong detention cell si Sevilla, 46, dating Mut­ya ng Pilipinas title holder noong 1984 at ang buyer na si Rodney Chudian, 31.

Sa ulat ng pulisya, da­kong alas-10 kamakalawa ng gabi nang maaresto si Sevilla habang nagkaka­ben­ta­han ng limang gramo ng iligal na droga sa may Kalentong St., sakop ng Daang Bakal, Mandalu­yong at hangganan ng Sta. Ana, Maynila. Ayon sa Anti-Illegal Drugs Division, na­ka­tanggap umano sila ng tip buhat sa isang impor­mante na may maga­ganap na bentahan ng droga sa Ka­lentong. Nang puntahan ng pulisya, dito nila nakilala ang dating aktres at ma­aktu­han ang nagaganap na ben­ta­han kung saan agad na dinakip si Sevilla at si Chudian.   

Itinanggi naman ni Se­villa ang akusasyon sa kanya.  Sinabi nito na nag­tungo siya sa Kalentong upang tumaya sa slot ma­chine nagulat na lamang umano siya nang dumikit sa kanya si Chudian at iabot sa kanya ang dala­wang gramo ng shabu na nakumpiska sa kanya ng mga pulis. (Danilo Garcia)