Mag-utol patay sa lunod

MANILA, Philippines - Kapwa patay na nang matagpuan ang magkapatid matapos tangayin ng malakas na agos ng tubig at ma­lunod hanggang sa matagpuan ang bangkay ng mga ito kahapon ng umaga sa Caloocan City. Kinilala ang magkapatid na biktima na sina John Reynald, 13 at Jefrey dela Cruz, 15, ng Gumamela St., Brgy. 175, Camarin ng nasabing lungsod.

Ayon sa ulat, alas 2:00   ng hapon nang mapagka­tuwaan ng magkapatid kasama ang dalawang kaibigan na lumangoy sa ilog sa Villa Amor Subd. Zabarte Road ng nabanggit din na lungsod. Ngunit habang nasa kasiyahan ng paglalaro sa ilog ay biglang lumakas ang agos ng tubig at minalas na matangay at malunod ang magkapatid. (Lordeth Bonilla)